٭ دین کے مصادر و مآخذ قرآن کے علاوہ دینِ فطرت کے حقائق، سنتِ ابراہیمی اور قدیم صحائف ہیں۔٭ نبیِ اکرم صلی اللہ علیہ وسلم کی رحلت کے بعد کسی شخص کو کافر قرار نہیں دیا جا سکتا۔ (یعنی ہم کسی مرزائی تک کو بھی کافر نہیں کہہ سکتے)٭ زکات کا نصاب منصوص اور مقرر نہیں ہے۔٭ اسلام میں موت کی سزا صرف دو جرائم (قتلِ نفس اور فساد فی الارض) پر دی جا سکتی ہے۔٭ دیت کا قانون وقتی اور عارضی تھا۔٭ قتلِ خطا میں دیت کی مقدار منصوص نہیں ہے اور یہ ہر زمانے میں تبدیل کی جا سکتی ہے۔٭ عورت اور مرد کی دیت (Blood Money) برابر ہوگی۔٭ عورت کی گواہی بھی مرد کی گواہی کے برابر ہے۔٭ کسی مرتد کے لیے قتل کی سزا نہیں ہے۔٭ شادی شدہ اور کنوارے زانی دونوں کے لیے ایک ہی حد، سو کوڑے ہے۔٭ اسلام میں حدِّ رجم نہیں ہے، بلکہ یہ قرآن کے خلاف ہے۔٭ حدِّ زنا کے اثبات کے لیے چار عینی گواہ ضروری نہیں، قرائن سے بھی حد کا اثبات جائز ہے۔٭ علاوہ ازیں گواہوں کا مسلمان ہونا بھی ضروری نہیں، غیر مسلم کی گواہی بھی جائز ہے۔٭ شراب نوشی پر کوئی شرعی سزا مقرر نہیں ہے۔٭ غیر مسلم بھی مسلمانوں کے وارث ہوسکتے ہیں۔