| ہے۔ جسے بھیجا تو تفتیش احوال کے لیے گیا تھا مگر اس دستہ کے امیر عبداللہ بن جحش رضی اللہ عنہ کے سامنے ایک تجارتی قافلہ آگیا تو آپ نے از خود اس پر حملہ کر کے اسے لوٹا۔ پھر جب مال غنیمت حضور اکرم صلی اللہ علیہ وسلم کے سامنے پیش کیا گیا ۔ تو آپ صلی اللہ علیہ وسلم نے قبول کرنے سے انکار کردیا اور عبداللہ بن جحش صکو سخت سرزنش بھی کی کہ اس نے وہ کام کیوں کیا جس کا اسے حکم نہیں دیا گیا تھا۔ (اس کی تفصیل اپنے مقام پر گزر چکی ہے-) (۳) دشمن کے اسباب ثرو ت کی ناکہ بندی کرکے اس پر کاری ضرب لگانا جنگی تدابیر میں سے ایک اہم تدبیر ہے۔ جسے ہر ملک اور ہر قوم استعمال کرتی ہے۔ اور کامیاب جرنیل کی ایک دانشمندی کی دلیل یہ ہوتی ہے کہ کامیاب طریقہ سے ناکہ بندی کرکے دشمن کی اصل قوت (سرمایہ) پر کاری ضرب لگائے تو پھر اسلام اور بانی اسلام ہی کو مطعون کرنے کا کیا جواز ہے؟ (۴) عتبہ بن اسید رضی اللہ عنہ نے فی الواقع مقام عیص پر ایک جتھہ بنا کر قریش کے تجارتی قافلوں کو لوٹا بھی تھا۔ لیکن یہ صورت حال صلح حدیبیہ کی شرط نمبر۲ کے نتیجہ میں پیش آئی تھی ۔ جس کی ذمہ داری سے آپ بری الذمہ تھے۔ یہی وجہ تھی کہ قریش نے خودمدینہ جا کر حضوراکرم صلی اللہ علیہ وسلم سے درخواست کی تھی کہ شرط نمبر۲ کو منسوخ قرار دیا جائے چنانچہ بعد میں قریش کو اس ’’ مصیبت‘‘ سے نجات مل گئی[1]۔ (۲) دوسرا اعتراض ‘خفیہ سازشیں: رسول اللہ صلی اللہ علیہ وسلم پر دوسرا اہم اعتراض یہ ہے کہ آپ اپنے دشمنوں کو خفیہ سازشوں کے ذریعہ مکروفریب سے کام لے کر ختم کرادیتے تھے حالانکہ وہ ’’معاہد‘‘ تھے۔ مثال کے طورپر کعب بن اشرف اور ابو رافع کا نام پیش کیا جاتا ہے۔ اس اعتراض کا جواب بھی زیر عنوان گوریلا جنگ (باب نمبر۲) میں دیا جا چکا ہے۔ مختصر اشارات دوبارہ درج کیے جاتے ہیں۔ (۱) یہ لوگ معاہد ضرور تھے ۔ لیکن بغاوت کے جرم نے ان کے معاہد کی حیثیت کو ختم کردیا ۔ |
| Book Name | نبی اکرم صلی اللہ علیہ وسلم بحیثیت سپہ سالار |
| Writer | مولانا عبدالرحمٰن کیلانی رحمہ اللہ |
| Publisher | مکتبہ السلام لاہور |
| Publish Year | |
| Translator | |
| Volume | |
| Number of Pages | 268 |
| Introduction | جہاد ایک عظیم ترین عمل ہے جس کی عظمت کا اندازہ اس سے لگایا جاسکتا ہے کہ رسول اللہ صلی اللہ علیہ وسلم نے مدنی زندگی میں کم و بیش 27 غزوات کئے اور 50 سے زائد سریہبھیجے، ایک حدیث میں رسول اکرم صلی اللہ علیہ وسلم نے اسے افضل ترین عمل قرار دیا اور ایک حدیث میں فرمایا کہ جنت تلواروں کے سائے تلے ہے۔ اس کتاب میں مولانا عبدالرحمٰن کیلانی رحمہ اللہ نے جہاد کا صھیح مفہوم بیان کرتے ہوئے اس کی اقسام اور جہاد بالسیف کو بھی بیان کیا بلکہ جہاد پر کئے جانے والے اعتراضات و شبہات کو انتہائی مدلل انداز میں رفع کیا ، اس کے علاوہ دارلاسلام او ردار الحرب جیسی پچیدہ بحث کو خوش اسلوبی سے نکھارا گیا ہے ۔ کتاب کے آخر میں آپ صلی اللہ علیہ وسلم کی زندگی کے جہادی پہلو کو نشانہ مشق بنانے والوں کو شرعی اورمنطقی دلائل سے شافی جواب دیا گیا ہے ۔اس کے علاوہ آپ کی عظیم شخصیت پر غیر جانبدار مغربی مفکرین کے اقوال بھی پیش کیے گئے ہیں جو کہ جہاد اور پیغمبر جہاد کے انتہا پسند ناقدین کے منہ پر زور دار طمانچہ ہیں ۔ |