مباحث توحید،تفسیر جواہر القرآن اور تفسیر تبیان الفرقان کا تقابلی مطالعہ

اور مطلب یہ ہے کہ اللہ تعالیٰ نے جنگ بدر میں اس لیے تمہاری امداد فرمائی تاکہ وہ کافروں کو ہلاک کرے یا ذلیل کرے یا ان کو توبہ کی توفیق دے یا ان کو عذاب دائمی میں مبتلا کرے والمعنی ان مالک امرهم علی الاطلاق وهو اللّٰه تعالیٰ نصرکم علیهم لیهلکهم او یکبتهم او یتوب علیهم ان اسلموا او یعذبهم ان اصروا ولیس لک من امرهم شی ان انت الا عبد ما مور بانذارهم وجهادهم[1]بعض روایات کے مطابق آپ بعض مشرکین پر چالیس دن بد دعا کرتے رہے اس پر یہ آیت نازل ہوئی۔ بہر حال شان نزول جو بھی ہو یہ آیت اس بات پر دلالت کرتی ہے کہ آنحضرت(صلی اللہ علیہ وآلہ وسلم)نہ غیب دان تھے اور نہ مختار کل۔[2]

’’قُلْ هَذِهِ سَبِيلِي أَدْعُو إِلَى اللّٰهِ عَلَى بَصِيرَةٍ أَنَا وَمَنِ اتَّبَعَنِي‘‘[3]یہ طریق تبلیغ ہے۔ ” ھٰذِہٖ“ یعنی دعوت توحید۔ ” اِدْعُوْا اِلَی اللّٰهِ “ ” سَبِیْلِیْ “ کا بیان ہے۔ ” بَصِیْرَةٍ “ دلیل و حجت یا یقین و اذعان یعنی یہ دعوت توحید ہی میری اصل راہ ہے۔ میں اور میرے تمام متبعین پورے شرح صدر کے ساتھ اور دلائل وبراہین کی روشنی میں اللہ کی توحید کی طرف دعوت دیتے ہیں۔ ” وَ سُبْحٰنَ اللّٰهِ “ ای واقول الخ۔ اور میں اعلان کرتا ہوں کہ اللہ تعالیٰ ہر قسم کے شرک سے پاد ہے اس لیے میں اس کے ساتھ ہرگز شرک کرنے کو تیار نہیں۔ ” هذه سبیلی هی توحید اللّٰه عز وجل و دین الاسلام(اِلَی اللّٰهِ)یعنی الی توحید اللّٰه والایمان به(عَلَی بَصِیرَةٍ)یعنی علی یقین و معرفة “[4]‘[5]