مباحث توحید،تفسیر جواہر القرآن اور تفسیر تبیان الفرقان کا تقابلی مطالعہ

اور الفرّاء اور الزجاج نے کہا کہ اس آیت میں حق سے مراد قرآن مجید ہے‘یعنی اگر قرآنِ مجید اِن کی منشاء کے مطابق نازل ہوتا اور ان کے اعتقاد کے مطابق اللہ تعالیٰ کے لیے اولاد اور شریک کو قرار دیتا تو تمام آسمان اور زمینیں اور جو کچھ ہے وہ درہم برہم ہو جاتے۔اور یہ آیت اس طرح ہے جیسے اللہ تعالیٰ کا ارشاد ہے’’لَوْ كَانَ فِيهِمَا آلِهَةٌ إِلَّا اللّٰهُ لَفَسَدَتَا فَسُبْحَانَ اللّٰهِ رَبِّ الْعَرْشِ عَمَّا يَصِفُونَ(22)لَا يُسْأَلُ عَمَّا يَفْعَلُ وَهُمْ يُسْأَلُونَ ‘‘[1](اگر آسمان اور زمین میں خدا کے سوا اور معبود ہوتے تو زمین وآسمان درہم برہم ہوجاتے۔ جو باتیں یہ لوگ بتاتے ہیں خدائے مالک عرش ان سے پاک ہےO وہ جو کام کرتا ہے اس کی پرستش نہیں ہوگی اور(جو کام یہ لوگ کرتے ہیں اس کی)ان سے پرستش ہوگی۔)[2]