جواب: حدیث میں عورتوں کے ہاتھوں کے کھلاہونے کی کوئی صراحت نہیں ہے، لہذا اس کے ساتھ استدلال نامکمل ہوگا،اور ہاتھ اگرچہ دستانوں یا کپڑوں کے اطراف سے ڈھکے ہوئے ہوں ان پر دیکھنے کا اطلاق ہوسکتا ہے،دوسری بات یہ ہے کہ اگر یہ مان لیا جائے کہ ان کے ہاتھ کھلے ہوئے تھے تو دیکھنے والے تو عبداللہ بن عباس تھے،جو اس وقت چھوٹے بچے تھے،اس وقت بلال کے ساتھ ہونے سے یہ بات ثابت نہیں ہوتی کہ بلال نے بھی ان کے ہاتھ دیکھے ہوںگے۔ جیسا کہ حذیفہ رضی اللہ عنہ کی حدیث جس میں نبی صلی اللہ علیہ وسلم کے بحالتِ قیام پیشاب کرنے کاذکر ہے اور حذیفہ آپ کے پیچھے کھڑے تھے ،سے یہ لازم نہیں آتا کہ حذیفہ آپ کی برہنگی کو دیکھ رہے تھے۔ اگر کوئی شخص عبداللہ بن عمر کی حدیث کہ وہ حفصہ کے گھر کی چھت پہ چڑھے اور انہوں نے دیکھا کہ رسول اللہ صلی اللہ علیہ وسلم قضاءحاجت فرمارہے تھے ۔ (بخاری ومسلم) سے یہ استدلال کرے کہ انہوں نے رسول اللہ صلی اللہ علیہ وسلم کی برہنگی دیکھی تھی،تو اس شخص کا یہ استدلال مردود ہوگا۔ اس قسم کے لوازم جو اپنے مدعٰی پر لازم نہیں آتے،سے استدلال بالکل ردی اور ساقط ہوتا ہے،جس کی کوئی قیمت نہیں ہوتی،اس قسم کا استدلال وہی شخص مجبور ہوکر کرسکتا ہے،جس کا استدلال سے قبل کوئی عقیدہ بن چکا ہو،جس سے اس کا چھٹکارا پانا مشکل ہو،یاپھر اس قسم کا استدلال اسی شخص سے ممکن ہے جوکسی برے ارادے میں مبتلا ہو،جو اس کے سوئِ فہم کومستلزم ہو۔ چھٹا شبہ کچھ لوگوں نے قیس بن ابی حازم سے مروی ایک اثر کا سہارالیاہے،وہ فرماتے |
Book Name | چہرے اور ہاتھوں کا پردہ |
Writer | فضیلۃ الشیخ علی بن عبداللہ النمی |
Publisher | مکتبۃ عبداللہ بن سلام لترجمۃ کتب الاسلام |
Publish Year | |
Translator | فضیلۃ الشیخ عبداللہ ناصر رحمانی |
Volume | ایک جلد |
Number of Pages | 222 |
Introduction | زیر نظر کتاب علی بن عبداللہ النمی کی تالیف ہے اور اس کا اردو ترجمہ فضیلۃ الشیخ عبداللہ ناصر رحمانی صاحب حفظہ اللہ نے کیا ہے، اس کتاب میں خواتین کے پردے کے حوالے سے سیر حاصل بحث کی گئی ہے، اس میں ایسے تمام شبہات کا تعاقب کیا گیا ہے جن پر ان لوگوں کا اعتماد تھا جو مسلم خاتون کو بے پردگی کی دعوت دینے میں کوشاں و حریص ہیں،کتاب بنیادی طور پر دو ابواب میں منقسم ہے ، ایک باب میں ان شبہات کا جائزہ لیا گیا ہے جو چہرے کے پردے سے متعلق ہیں اور دوسرا باب ہاتھوں کے ڈھانپنے کے وجوب سے متعلق شہبات کے ازالے پر مشتمل ہے۔ |