زنا کی سنگینی اور اس کے برے اثرات

"Out-of-Wedlock Birthrates Are Soaring, U.S. Reports."

[دائرہ شادی سے باہر شرحِ پیدائش میں تیزی سے اضافہ ہورہا ہے۔ ریاست ہائے متحدہ کی رپورٹس] [1]

۱۳ مئی ۲۰۰۹ء کو نیویارک ٹائمز میں [قومی مرکز برائے اعداد و شمار صحت] کی طرف سے جاری کردہ ایک رپورٹ شائع ہوئی۔

واشنگٹن:

’’ریاست ہائے متحدہ میں ۲۰۰۷ء میں ہر دس نوزائیدہ بچوں میں سے چار کو غیر شادی شدہ ماؤں نے جنم دیا۔ بروز بدھ نشر کیے جانے والے سرکاری اعدادو شمار کے مطابق اس بات میں اندرون اور بیرونِ ملک تیزی سے اضافہ ہورہا ہے۔‘‘[2]

اسی رپورٹ میں ہے:

’’صنعتی دنیا کے ایک بڑے حصے میں شادی کے بغیر بچوں کی پیدائش میں اضافہ ہورہا ہے۔ آئس لینڈ میں ۶۶ فیصد بچے غیر شادی شدہ ماؤں کے ہاں پیدا ہوتے ہیں، سویڈن میں یہ شرح ۵۵ فیصد ہے۔‘‘[3]