| علامہ مرتضی ازبیدی حنفی رحمۃ اللہ علیہ تاج العروس شرحح قاموس (ص ۱۸۱ج۲) میں لکھتے ہیں۔ الرجل یصافح الرجل اذا وضع صفح کفہ فی صفح کفہ وطفحا وجھاھما ومنہ حدیث المصافحۃ عند اللفاء وھی مفاعلۃ من الصاق صفح الکف بالکف واقبال الوجہ علی الوجہ کذافی اللسان والاساس والتھذیب فلا یلتفت الی من زعم ان المصافحہ غیر عرربی انتھٰی (ص۱۸۱ج۲) ملاعلی قاری حنفی مرقاۃ شرح مشکوٰۃ (ص۸۴ج۲) میں لکھتے ہیں۔ المصافحہ ھی الافضاء بصفحۃ الید الی صفحۃ الید۔ حافظ ابن حجر رحمۃ اللہ علیہ فتح الباری(ص۲۹۳ج۱۳) میں لکھتے ہیں۔ ھی مفاعلۃ من الصفحۃ والمراد بھا الافضاء بصفحۃ الیدالی صفحۃ الید۔ ابن الاثیر رحمۃ اللہ علیہ نہایہ (ص۲۸۸ج۲) میں لکھتے ہیں۔ ومنہ حدیث المصافحۃ عند اللفاء وھی مفاعلۃ من الصاق صفح الکف بالکف واقبال الوجہ علی الوجہ ان عبارات کا خلاصہ اور حاصل یہ ہے کہ مصافحہ کے معنی ہیں ،بطن کف کو بطن کف سے ملانا ۔ پس اس سے معلوم ہوا کہ پشتِ کف سے یا بطنِ کف ، پشتِ کفف سے ملانے کو مصافحہ نہیں کہیں گے۔ جب تم مصافحہ کے معنی معلوم کر چکے تو سنو کہ مصافحہ کے معنی کا مصافحہ مروجہ عند اہلِ حدیث پر صادق آنا تو ظاہر ہے۔ رہا دونوں ہاتھ کا مصافحہ سو اس کی دو صورتیں ہیں۔ ایک یہ کہ داہنے ہاتھ سے بطنِ کف کو داہنے ہاتھ کے بطنِ کف سے ملایا جائے اور مصافحیں میں سے ہر ایک اپنے بائیں ہاتھ سے بطنِ کف کو دوسرے کے داہنے ہاتھ کے پشتِ کف سے ملائے۔ اس صورت کا مصافحہ اس زمانہ کے اکثر احناف میں |
| Book Name | مقالات محدث مبارکپوری |
| Writer | الشیخ عبدالرحمٰن مبارکپوری |
| Publisher | ادارہ علوم اثریہ |
| Publish Year | |
| Translator | |
| Volume | |
| Number of Pages | 277 |
| Introduction | مولانا محمد عبدالرحمٰن مبارکپوری شیخ الکل فی الکل میاں سید نذیر حسین محدث دہلوی کے چند مامور شاگردوں میں سے ایک ہیں ۔آپ اپنے وقت کےبہت بڑے محدث،مفسر، محقق، مدرس ، مفتی،ادیب اور نقاد تھے ۔ اللہ تعالیٰ نے انہیں علم کی غیر معمولی بصیرت وبصارت،نظر وفکرکی گہرائی ،تحقیق وتنقیح میں باریک بینی اور ژرف نگاہی عطاء فرمائی تھی ۔زہد وتقوی ،اخلاص وللّٰہیت،حسن عمل اور حسن اخلاق کے پیکر تھے۔یہ ایک حقیقت ہےکہ’’برصغیر پاک وہند میں علم حدیث‘‘ کی تاریخ تب تلک مکمل نہیں ہوتی جب تک اس میں مولانا عبدالرحمٰن محدث مبارکپوری کی خدمات اور ان کا تذکرہ نہ ہو۔جامع الترمذی کی شرح تحفۃ الاحوذی ان ہی کی تصنیف ہے۔ زیر تبصرہ کتاب’’مقالات محدث مبارکپوری ‘‘ مولانا محمد عبد الرحمٰن مبارکپوری کی نایاب تصانیف کا مجموعہ ہے ۔اس میں مولانامبارکپوری مرحوم کی آٹھ تصانیف کے علاوہ ان نادر مکتوبات اور شیخ الھلالی کا وہ قصیدہ جو انہوں نے حضرت مبارکپوری کےمحامد ومناقب میں لکھا شامل اشاعت ہے۔ |