| واضح ہو کہ دسویں اور گیارہوں روایت میں اگرچہ داہنے ہاتھ کی تصریح نہیں ہے۔ مگر روایاتِ مذکورہ بالابتاتی ہیں کہ ان دونوں روایتوں میں ایک ہاتھ سے مراد داہنا ہاتھ ہے۔ نیز واضح ہو کہ بیعت کی روایت مذکورہ میں بعض روایتیں استشہاد اً پیش کی گئی ہیں۔ نیز واضح ہو کہ مصافحہ بیعت کے ایک ہاتھ سے مسنون ہونے کے بارے میں اور بھی بہت سی روایاتِ مررفوعہ وموقوفہ آئی ہیں اور جس قدر یہاں نقل کی گئی ہیں۔ وہ اثباتِ مطلوب کے واسطے کافی ووافی ہیں۔ بارہویں روایت کتاب الترغیب والترہیب (ص۶۸۵ج۳) میں ہے۔ عن سلمان الفارسی عن النبی صلی اللہ علیہ وسلم قال ان المسلم اذا لقی اخاہ فاخذ بیدہ تتحانت عنھما ذنوبھما کما یتحات الورق عن الشجر الیابسۃ فی یوم ریح عاصف رواہ الطبرانی باسناد حسن۔ یعنی سلمان فارسی رضی اللہ عنہ سے روای تہے کہ رسول اللہ صلی اللہ علیہ وسلم نے فرمایا کہ جب کوئی مسلمان اپنے بھائی سے ملاقات کرتا ہے اور اس کا ہاتھ پکرتا ہے تو ان دونوں کے گناہ اس طرح جھڑڑتے ہیں جس طرح سخت ہوا کے دن سوکھے درخت سے پتے جھڑتے ہیں۔ اس حدیث کو طبرانی نے باسناد حسن روایت کیا ہے۔ اس حدیث سے بھی ایک ہاتھ سے مصافحہ کا مسنون ہونا ظاہر ہے،کیونکہ اس میں لفظ ’’ید‘‘ بصیغۃ واحد ہے اور صیغہ واحد فرد واحد پر دلالت کرتا ہے۔ واضح ہو کہ مصافحہ کی جن جن حدیثوعں میں لفظ’’ید‘‘ واقع ہوا ہے بصیغہ واحد ہی واقع ہوا ہے ۔مصافحہ کی کسی حدیث میں لفظ’’ید ‘‘بصیغہ تثنیہ نہیں واقع ہوا ہے۔ ومن ادعی خلافہ فعلیہ البیان پس اس قسم کی تمام احادیث ہمارے مدعا کی مثبت ہیں۔ |
| Book Name | مقالات محدث مبارکپوری |
| Writer | الشیخ عبدالرحمٰن مبارکپوری |
| Publisher | ادارہ علوم اثریہ |
| Publish Year | |
| Translator | |
| Volume | |
| Number of Pages | 277 |
| Introduction | مولانا محمد عبدالرحمٰن مبارکپوری شیخ الکل فی الکل میاں سید نذیر حسین محدث دہلوی کے چند مامور شاگردوں میں سے ایک ہیں ۔آپ اپنے وقت کےبہت بڑے محدث،مفسر، محقق، مدرس ، مفتی،ادیب اور نقاد تھے ۔ اللہ تعالیٰ نے انہیں علم کی غیر معمولی بصیرت وبصارت،نظر وفکرکی گہرائی ،تحقیق وتنقیح میں باریک بینی اور ژرف نگاہی عطاء فرمائی تھی ۔زہد وتقوی ،اخلاص وللّٰہیت،حسن عمل اور حسن اخلاق کے پیکر تھے۔یہ ایک حقیقت ہےکہ’’برصغیر پاک وہند میں علم حدیث‘‘ کی تاریخ تب تلک مکمل نہیں ہوتی جب تک اس میں مولانا عبدالرحمٰن محدث مبارکپوری کی خدمات اور ان کا تذکرہ نہ ہو۔جامع الترمذی کی شرح تحفۃ الاحوذی ان ہی کی تصنیف ہے۔ زیر تبصرہ کتاب’’مقالات محدث مبارکپوری ‘‘ مولانا محمد عبد الرحمٰن مبارکپوری کی نایاب تصانیف کا مجموعہ ہے ۔اس میں مولانامبارکپوری مرحوم کی آٹھ تصانیف کے علاوہ ان نادر مکتوبات اور شیخ الھلالی کا وہ قصیدہ جو انہوں نے حضرت مبارکپوری کےمحامد ومناقب میں لکھا شامل اشاعت ہے۔ |