پانچویں روایت دارقطنی میں ہے۔ عن عبد اللہ بن محمد بن عمار عن ابیہ عن جدہ قال کان رسول اللہ صلی اللہ علیہ وسلم یکبر فی العیدین فی الاولی سبعا وفی الاخرۃ خمسا وکان یبداء بالصلواۃ قبل الخطبۃ۔ عمار سے روایت ہے کہ رسول اللہ صلی اللہ علیہ وسلم نمازِ عیدین میں پہلی رکعت میں سات تکبیریں اور دوسری رکعت میں پانچ تکبیریں کہتے تھے اور نمازِ خطبہ سے پہلے پڑھاکرتے تھے۔ چھٹی روایت سنن ابی داود میں ہے۔ عن عائشۃ قالت کان النبی صلی اللہ علیہ وسلم یکبر فی العیدین فی الاولیٰ بسبع تکبیرات وفی الثانیۃ بخمس قبل القراء ۃ سوی تکبیرتی الرکوع ام المؤمنین عائشہ رضی اللہ عنہا سے روایت ہے کہ رسول اللہ صلی اللہ علیہ وسلم نمازِ عیدین میں پہلی رکعت میں سات اورر دوسری رکعت میں پانچ تکبیریں قرأت کے شروع کرنے سے پہلے کہا کرتے تھے۔ ان تکبیرات میں رکوع میں جانے کے لیے کہی جانے والی تکبیریں شامل نہیں۔ ساتویں روایت طبرانی رحمۃ اللہ علیہ کے معجم کبیر میں ہے۔ عن ابن عباس ان رسول اللہ صلی اللہ علیہ وسلم کان یکبر فی العیدین ثنتی عشرۃ تکبیرۃ فی الاولیٰ سبعاو فی الاخرۃ خمسا کذافی النیل۔ ابن عباس رضی اللہ عنہ سے روایت ہے کہ رسول اللہ صلی اللہ علیہ وسلم نمازِ عیدین میں |
Book Name | مقالات محدث مبارکپوری |
Writer | الشیخ عبدالرحمٰن مبارکپوری |
Publisher | ادارہ علوم اثریہ |
Publish Year | |
Translator | |
Volume | |
Number of Pages | 277 |
Introduction | مولانا محمد عبدالرحمٰن مبارکپوری شیخ الکل فی الکل میاں سید نذیر حسین محدث دہلوی کے چند مامور شاگردوں میں سے ایک ہیں ۔آپ اپنے وقت کےبہت بڑے محدث،مفسر، محقق، مدرس ، مفتی،ادیب اور نقاد تھے ۔ اللہ تعالیٰ نے انہیں علم کی غیر معمولی بصیرت وبصارت،نظر وفکرکی گہرائی ،تحقیق وتنقیح میں باریک بینی اور ژرف نگاہی عطاء فرمائی تھی ۔زہد وتقوی ،اخلاص وللّٰہیت،حسن عمل اور حسن اخلاق کے پیکر تھے۔یہ ایک حقیقت ہےکہ’’برصغیر پاک وہند میں علم حدیث‘‘ کی تاریخ تب تلک مکمل نہیں ہوتی جب تک اس میں مولانا عبدالرحمٰن محدث مبارکپوری کی خدمات اور ان کا تذکرہ نہ ہو۔جامع الترمذی کی شرح تحفۃ الاحوذی ان ہی کی تصنیف ہے۔ زیر تبصرہ کتاب’’مقالات محدث مبارکپوری ‘‘ مولانا محمد عبد الرحمٰن مبارکپوری کی نایاب تصانیف کا مجموعہ ہے ۔اس میں مولانامبارکپوری مرحوم کی آٹھ تصانیف کے علاوہ ان نادر مکتوبات اور شیخ الھلالی کا وہ قصیدہ جو انہوں نے حضرت مبارکپوری کےمحامد ومناقب میں لکھا شامل اشاعت ہے۔ |