شیء فی ھذا الباب اصح منہ وبہ اقول وحدیث عبد اللہ بن عبد الرحمن الطائفی ایضا صحیح والطائفی مقارب الحدیث۔ امام ترمذی فرماتے ہیں کہ میں نے امام بخاری سے اس حدیث کے بارہ میں سوال کیا تو آپ نے فرمایا کہ اس بارہ میں اس سے زیادہ صحیح اور کوئی حدیث نہیں اور پھرفرماتے ہیں کہ میرا (ترمذی) بھی ایسا ہی خیارل ہے ۔ نیز عبد للہ بن عبد الرحمن طائفی کی حدیث بھی صحیح ہے اور عبد اللہ بن عبد الرحمن طائفی مقارب الحدیث ہیں اور ابن ماجہ کے حاشیہ میں بحوالہ لمعات لکھا ہے: قال فی شرح کتاب الحرقی روی عمر وبن شعیب عن ابیہ عن جدہ ان النبی صلی اللہ علیہ وسلم کبرہ ثنتی عشرۃ تکبیرۃ سبعا فی الاولیٰ وخمسا فی الاخرۃ رواہ احمد وابن ماجہ قال احمد انا اذھب الیٰ ذلک وکذلک ذھب الیہ ابن المدینی وصحیح الحدیث عمر و بن شعیب روایت کرتے ہیں کہ رسول اللہ صلی اللہ علیہ وسلم نے (نمازِ عیدین میں) بارہ تکبیریں کہیں ، سات پہلی رکعت میں اور پانچ دوسری رکعت میں ، اسے احمد اور ابن ماجہ نے روایت کیا ہے امام احمد رحمۃ اللہ علیہ فرماتے ہیں میرا مسلک بھی یہی ہے اور یہی امام علی بن مدینی کا مسلک ہے اور آپ نے اس حدیث کو صحیح بھی قرار دیا ہے۔ علامہ شیخ منصور بن ادریس رحمۃ اللہ علیہ ’’کشاف القناع‘‘میں عمرو بن شعیب کی حدیث کو نقل کر کے لکھتے ہیں: قال عبد اللہ قال ابی اذھب الیٰ ھذا ورواہ ابن ماجہ وصحححہ ابن المدینی۔ امام احمد کے لڑکے عبد اللہ نے کہا کہ میرے باپ امام احمد نے کہا |
Book Name | مقالات محدث مبارکپوری |
Writer | الشیخ عبدالرحمٰن مبارکپوری |
Publisher | ادارہ علوم اثریہ |
Publish Year | |
Translator | |
Volume | |
Number of Pages | 277 |
Introduction | مولانا محمد عبدالرحمٰن مبارکپوری شیخ الکل فی الکل میاں سید نذیر حسین محدث دہلوی کے چند مامور شاگردوں میں سے ایک ہیں ۔آپ اپنے وقت کےبہت بڑے محدث،مفسر، محقق، مدرس ، مفتی،ادیب اور نقاد تھے ۔ اللہ تعالیٰ نے انہیں علم کی غیر معمولی بصیرت وبصارت،نظر وفکرکی گہرائی ،تحقیق وتنقیح میں باریک بینی اور ژرف نگاہی عطاء فرمائی تھی ۔زہد وتقوی ،اخلاص وللّٰہیت،حسن عمل اور حسن اخلاق کے پیکر تھے۔یہ ایک حقیقت ہےکہ’’برصغیر پاک وہند میں علم حدیث‘‘ کی تاریخ تب تلک مکمل نہیں ہوتی جب تک اس میں مولانا عبدالرحمٰن محدث مبارکپوری کی خدمات اور ان کا تذکرہ نہ ہو۔جامع الترمذی کی شرح تحفۃ الاحوذی ان ہی کی تصنیف ہے۔ زیر تبصرہ کتاب’’مقالات محدث مبارکپوری ‘‘ مولانا محمد عبد الرحمٰن مبارکپوری کی نایاب تصانیف کا مجموعہ ہے ۔اس میں مولانامبارکپوری مرحوم کی آٹھ تصانیف کے علاوہ ان نادر مکتوبات اور شیخ الھلالی کا وہ قصیدہ جو انہوں نے حضرت مبارکپوری کےمحامد ومناقب میں لکھا شامل اشاعت ہے۔ |