عن نافع عن ابن عمر عن حفصہ قالت قال رسول اللہ صلی اللہ علیہ وسلم الجمعۃ واجبۃ علی کل محتلم وعلی من راح الی الجمعۃ الغسل فتح الباری میں ہے۔ رواتہ ثقات ۔دیکھو یہ روایت صاف بتاتی ہے کہ الجمعۃ علی من یاتی اھلہ کا وہی مطلب ہے جو ہم نے بیان کیا۔ نیز ظاہر ہے کہ یہ معنی احادیث مرفوعہ مذکورہ فی المقدمہ وآیہ جمعہ کے موافق ہے۔ بخلاف اس معنی کے جس کو حافظ ابن حجر رحمۃ اللہ علیہ نے بیان کیا ہے۔ کہ وہ آیہ جمعہ واحادیث مرفوعہ کے صریح مخالف ہے۔ پس اس حیثیت سے اس معنی کو حافظ کے معنی پر ترجیح ہے۔ تیسرا جواب چونکہ یہ اثراحادیث مرفوعہ وآثار صحابہ رضی الله عنہم مذکورہ فی المقدمہ کے مخالف ہے۔ لہٰذا ان احادیث وآثار کے مقابل میں اس اثر کا کچھ اثر نہیں ہوسکتا۔ قال :ساتویں دلیل ۔مصنف عبد الرزاق میں ہے۔ انبا الثوری عن زبید الا یامی عن سعد بن عبیدۃ عن ابی عبد الرحمن السلمی عن علیؓؓ قال لا تشریق ولا جمعۃ الا فی مصر جامع یعنی ابو عبد الرحمن سلمی سے مروی ہے کہ کہاحضرت علی رضی الله عنہ نے کہ تشریق ونماز جمعہ نہیں ہے۔ مگر مصر جامع ہیں۔ اقول :اس ساتویں دلیل کے سات جواب ہیں۔ پہلا جواب آیہ جمعہ سے ہرمقام میں مصر ہو خواہ قریہ خواہ صحرا نمازِ جمعہ کا صحیح ہونا ثات ہے۔ کما مر پس قول علی رضی الله عنہ لا تشریق ولا جمعۃ الا فی مصر جامع سے صحت جمعہ کے واسطے مصر شرط نہیں ہو سکتا۔ اس واسطے کہ یہ حضرت علی رضی الله عنہ کی ایک رائے ہے اور رائے سے |
Book Name | مقالات محدث مبارکپوری |
Writer | الشیخ عبدالرحمٰن مبارکپوری |
Publisher | ادارہ علوم اثریہ |
Publish Year | |
Translator | |
Volume | |
Number of Pages | 277 |
Introduction | مولانا محمد عبدالرحمٰن مبارکپوری شیخ الکل فی الکل میاں سید نذیر حسین محدث دہلوی کے چند مامور شاگردوں میں سے ایک ہیں ۔آپ اپنے وقت کےبہت بڑے محدث،مفسر، محقق، مدرس ، مفتی،ادیب اور نقاد تھے ۔ اللہ تعالیٰ نے انہیں علم کی غیر معمولی بصیرت وبصارت،نظر وفکرکی گہرائی ،تحقیق وتنقیح میں باریک بینی اور ژرف نگاہی عطاء فرمائی تھی ۔زہد وتقوی ،اخلاص وللّٰہیت،حسن عمل اور حسن اخلاق کے پیکر تھے۔یہ ایک حقیقت ہےکہ’’برصغیر پاک وہند میں علم حدیث‘‘ کی تاریخ تب تلک مکمل نہیں ہوتی جب تک اس میں مولانا عبدالرحمٰن محدث مبارکپوری کی خدمات اور ان کا تذکرہ نہ ہو۔جامع الترمذی کی شرح تحفۃ الاحوذی ان ہی کی تصنیف ہے۔ زیر تبصرہ کتاب’’مقالات محدث مبارکپوری ‘‘ مولانا محمد عبد الرحمٰن مبارکپوری کی نایاب تصانیف کا مجموعہ ہے ۔اس میں مولانامبارکپوری مرحوم کی آٹھ تصانیف کے علاوہ ان نادر مکتوبات اور شیخ الھلالی کا وہ قصیدہ جو انہوں نے حضرت مبارکپوری کےمحامد ومناقب میں لکھا شامل اشاعت ہے۔ |