| الرستاق بامر الامام فھو امر بالجعۃ اتفاقا علی ماقالہ السرخسی والرستاق القری کما فی القاموس انتھی اور اس میں کوئی شبہ نہیں کہ مسجد قبا آنحضرت صلی اللہ علیہ وسلم کے حکم سے بنی ہے،بلکہ صحیح بخاری مؤلف کے حساب سے اس واسطے کہا گیا ہے۔ کہ مؤلف نے(ص۱۱)میں ہزم النبیت اور مدینہ کے درمیان ایک کوس کا فاصلہ بتایا ہے۔ اور اسی قدر فاصلہ مدینہ اور موضع بنی سالم کے درمیان بھی ہے۔ کما صرح بہ النووی سے ثابت ہے کہ آپ صلی اللہ علیہ وسلم نے خود مسجد قبا کی بنیاد ڈالی ۔ پس مسجد قبا میں بلاشبہ عند الحنفیہ نمازِ جمعہ پڑھنا جائز تھا۔ اب حضرت شوق خود ہی فرمائیں کہ باوجود یکہ نمازِ جمعہ مکہ میں فرض ہو چکی تھی۔ اور مسجد قبا میں عند الحنفیہ نمازِ جمعہ جائز تھی۔ پھر آپ صلی اللہ علیہ وسلم نے نمازِ جمعہ کیوں ترک کی؟ اگر آپ مسافر تھے تو قبا والوں کو کیوں اذن نہ فرمائی؟ فما ھو جوابکم فھم جوابنا۔ چوتھا جواب مقام قبیلہ بنی عمرو بن عوف جہاں آنحضرت صلی اللہ علیہ وسلم نے نزولِ اجلال فرمایا تھا اورمسجدِ قبا کی بنیاد ڈالی تھی، عند الحنفیہ تو ابع مدینہ وفنائے مدینہ سے ہے۔ اور ہر اس مقام میں توابع مصر وفنائے مصر سے ہو اس میں عند الحنفیہ نمازِ جمعہ جائز ودرست ہے۔ اور اس مقام کے لوگوں پر نمازِ جمعہ واجب۔ پس مقام بنی عمرو بن عوف میں عند الحنفیہ نمازِ جمعہ جائز ہے۔ اور یہاں کے لوگوں پر نمازِ جمعہ واجب۔ صغریٰ کا ثبوت یہ ہے۔ کہ مقام بنی عمرو بن عوف مدینہ سے دو میل کے فاصلہ پر ہے۔ نووی رحمۃ اللہ علیہ نے شرح صحیح مسلم میں لکھا ہے :قال العلماء منا زل بنی عمرو ببن عوف علی میلین من المدینہ انتھٰی۔اور جو مقام کہ مصر سے دومیل کے فاصلہ پر ہو وہ عند الحنفیہ تو ابع مصر وفنائے مصر سے ہے۔ درالمختار میں ہے۔ والمختار للفتویٰ تقدیرہ بفرسخ ذکرہ الولواجی۔ ’’فتویٰ کے واسطے مختاریہ ہے کہ فنائے مصر کا اندازہ ایک فرسخ یعنی تین میل مقرر کیا جائے۔‘‘ دیکھو فنائے مصر کی تقدیر جو مختار للفتویٰ بتائی گئی ہے۔ وہ تین میل ہے اور مقام بنی عمرو بن عوف تو مدینہ سے صرف دو میل کے فاصلہ پر ہے۔ پس اس مقام کا فناء ِ مدینہ سے ہونا نہایت ظاہر ہے۔ ملا علی قاری رحمۃ اللہ علیہ نے مرقاۃ میں ابن الہمام رحمۃ اللہ علیہ سے |
| Book Name | مقالات محدث مبارکپوری |
| Writer | الشیخ عبدالرحمٰن مبارکپوری |
| Publisher | ادارہ علوم اثریہ |
| Publish Year | |
| Translator | |
| Volume | |
| Number of Pages | 277 |
| Introduction | مولانا محمد عبدالرحمٰن مبارکپوری شیخ الکل فی الکل میاں سید نذیر حسین محدث دہلوی کے چند مامور شاگردوں میں سے ایک ہیں ۔آپ اپنے وقت کےبہت بڑے محدث،مفسر، محقق، مدرس ، مفتی،ادیب اور نقاد تھے ۔ اللہ تعالیٰ نے انہیں علم کی غیر معمولی بصیرت وبصارت،نظر وفکرکی گہرائی ،تحقیق وتنقیح میں باریک بینی اور ژرف نگاہی عطاء فرمائی تھی ۔زہد وتقوی ،اخلاص وللّٰہیت،حسن عمل اور حسن اخلاق کے پیکر تھے۔یہ ایک حقیقت ہےکہ’’برصغیر پاک وہند میں علم حدیث‘‘ کی تاریخ تب تلک مکمل نہیں ہوتی جب تک اس میں مولانا عبدالرحمٰن محدث مبارکپوری کی خدمات اور ان کا تذکرہ نہ ہو۔جامع الترمذی کی شرح تحفۃ الاحوذی ان ہی کی تصنیف ہے۔ زیر تبصرہ کتاب’’مقالات محدث مبارکپوری ‘‘ مولانا محمد عبد الرحمٰن مبارکپوری کی نایاب تصانیف کا مجموعہ ہے ۔اس میں مولانامبارکپوری مرحوم کی آٹھ تصانیف کے علاوہ ان نادر مکتوبات اور شیخ الھلالی کا وہ قصیدہ جو انہوں نے حضرت مبارکپوری کےمحامد ومناقب میں لکھا شامل اشاعت ہے۔ |