| جمعۃ صلاھا بالمدینۃ المختصر مؤلف کی یہ تردید کہ آپ صلی اللہ علیہ وسلم کی پہلی نمازِ جمعہ یا تو مدینہ میں ہوئی یا بنی سالم کی مسجدِعاتکہ میں محض غلط ہے اور اس غلطی کی وجہ وہی فتح الباری کی عبارت کا مطلب نہ سمجھنا ہے۔ تنبیہ آخر مؤلف نے لکھا ہے کہ’’موضع بنی سالم مدینہ کا ایک محلہ ہے جو شہر سے باہر ہے۔‘‘ میں کہتا ہوں کہ یہ بھی محض غلط ہے ۔موضع بنی سالم مدینہ کا محلہ نہیں ہے، بلکہ وہ ایک دیہات ہے۔ جو مدینہ اور قبا کے درمیان واقع ہے۔ اور مؤلف[1] کے حساب سے مدینہ سے ایک کوس کے فاصلہ پر واقع ہے۔ بیہقی رحمۃ اللہ علیہ نے معرفۃ السنن میں لکھا ہے۔ ھی قریۃ بین قبا والمدینہ ناظرین !آپ جانتے ہیں کہ کیوں جناب مؤلف نے بنی سالم کو مدینہ کا محلہ بنایا ہے۔ بات یہ ہے کہ اگر جناب شوق یہاں صحیح صحیح لکھ دیتے۔ اور ظاہر کر دیتے ۔ کہ موضع بنی سالم قبا اور مدینہ کے درمیان ایک دیہات ہے جو مدینہ سے ایک کوس کے فاصلہ پر واقع ہے۔ تو اسی پہلی دلیل سے دیہات میں جمعہ کا جائز ودرست ہونا ثابت ہو جاتا ۔ اور آپ کی پہلی دلیل بالکل درہم برہم ہو جاتی۔ پس مؤلف کے صحیح اور سچی بات کے ظاہر نہ کرنے میں یہی بھیدہے۔ ؎ راز معشوق نہ افشاہو جائے ورنہ مرجانے میں کچھ بھید نہ تھا تیسرا جواب باتفاق فقہائِ حنفیہ یہ مسلم ہے کہ جب امام کے حکم سے دیہات میں کوئی مسجد بنائی جائے۔ تو اس مسجد میں نمازِ جمعہ پڑھنا جائز ہے اور بحکم امام اس مسجد کا بننا اس میں اقامتِ جمعہ کا حکم دینا ہے۔ ردالمختار میں ہے۔ اذا بنی مسجد فی |
| Book Name | مقالات محدث مبارکپوری |
| Writer | الشیخ عبدالرحمٰن مبارکپوری |
| Publisher | ادارہ علوم اثریہ |
| Publish Year | |
| Translator | |
| Volume | |
| Number of Pages | 277 |
| Introduction | مولانا محمد عبدالرحمٰن مبارکپوری شیخ الکل فی الکل میاں سید نذیر حسین محدث دہلوی کے چند مامور شاگردوں میں سے ایک ہیں ۔آپ اپنے وقت کےبہت بڑے محدث،مفسر، محقق، مدرس ، مفتی،ادیب اور نقاد تھے ۔ اللہ تعالیٰ نے انہیں علم کی غیر معمولی بصیرت وبصارت،نظر وفکرکی گہرائی ،تحقیق وتنقیح میں باریک بینی اور ژرف نگاہی عطاء فرمائی تھی ۔زہد وتقوی ،اخلاص وللّٰہیت،حسن عمل اور حسن اخلاق کے پیکر تھے۔یہ ایک حقیقت ہےکہ’’برصغیر پاک وہند میں علم حدیث‘‘ کی تاریخ تب تلک مکمل نہیں ہوتی جب تک اس میں مولانا عبدالرحمٰن محدث مبارکپوری کی خدمات اور ان کا تذکرہ نہ ہو۔جامع الترمذی کی شرح تحفۃ الاحوذی ان ہی کی تصنیف ہے۔ زیر تبصرہ کتاب’’مقالات محدث مبارکپوری ‘‘ مولانا محمد عبد الرحمٰن مبارکپوری کی نایاب تصانیف کا مجموعہ ہے ۔اس میں مولانامبارکپوری مرحوم کی آٹھ تصانیف کے علاوہ ان نادر مکتوبات اور شیخ الھلالی کا وہ قصیدہ جو انہوں نے حضرت مبارکپوری کےمحامد ومناقب میں لکھا شامل اشاعت ہے۔ |