Maktaba Wahhabi

196 - 277

پر عمل درآمد تھا۔ اور جب ابو سماعیل نے حماد بن زید کو دونوں ہاتھوں سے مصافحہ کرتے ہوئے دیکھا تو ان کو یہ ایک نئی بات معلوم ہوئی۔ اس وجہ سے لوگوں کو اس کی خبر دی ۔ اس تقدیر پر اس خبر کا مفید ہونا ظاہر ہے اور لفظ’’کلتا‘‘ کے بڑھانے کا بھی فائدہ اس تقدیر پر مخفی نہیں ہے۔ فتدبر چھٹی دلیل وہی مستدل صاحب لکھتے ہیں کہ فقہاء بالاتفاق دونوں ہاتھ سے مصافحہ کو سنت لکھتے ہیں۔ چنانچہ مجالس الابرار میں ہے۔ والسنۃ فیھا ان تکون بکلتا الیدین۔ اور قنیہ میں ہے۔ السنۃ فیھا ان ینع یدیہ علی یدیہ من غیر حائل من ثوب اوغیرہ۔ اور در مختار میں ہے۔ والسنۃ ان تکون بکلتا یدیہ اور شیخ عبد الحق اشعۃ اللمعات میں لکھتے ہیں۔ ’’ومصافحہ سنت است وباید کہ بہر دو دستت بود‘‘ جب کہ تمام فقہاء دو ہی ہاتھ سے مصافحہ کو مسنون لکھتے ہیں۔ اور کوئی حدیث ایک ہاتھ کے مصافحہ کی مخالفین پیش نہیں کر سکتے تو خواہ مخواہ اقوالِ فقہاء کو چھوڑ دینا بجز نفس پر ستی کے اور کیا ہو سکتا ہے۔ جواب مستدل کا یہ لکھنا کہ فقہائِ کرام بالاتفاق دونوں ہاتھ سے مصافحہ کو سنت لکھتے ہیں۔اور پھر یہ لکھنا

Book Name	مقالات محدث مبارکپوری
Writer	الشیخ عبدالرحمٰن مبارکپوری
Publisher	ادارہ علوم اثریہ
Publish Year
Translator
Volume
Number of Pages	277
Introduction	مولانا محمد عبدالرحمٰن مبارکپوری شیخ الکل فی الکل میاں سید نذیر حسین محدث دہلوی کے چند مامور شاگردوں میں سے ایک ہیں ۔آپ اپنے وقت کےبہت بڑے محدث،مفسر، محقق، مدرس ، مفتی،ادیب اور نقاد تھے ۔ اللہ تعالیٰ نے انہیں علم کی غیر معمولی بصیرت وبصارت،نظر وفکرکی گہرائی ،تحقیق وتنقیح میں باریک بینی اور ژرف نگاہی عطاء فرمائی تھی ۔زہد وتقوی ،اخلاص وللّٰہیت،حسن عمل اور حسن اخلاق کے پیکر تھے۔یہ ایک حقیقت ہےکہ’’برصغیر پاک وہند میں علم حدیث‘‘ کی تاریخ تب تلک مکمل نہیں ہوتی جب تک اس میں مولانا عبدالرحمٰن محدث مبارکپوری کی خدمات اور ان کا تذکرہ نہ ہو۔جامع الترمذی کی شرح تحفۃ الاحوذی ان ہی کی تصنیف ہے۔ زیر تبصرہ کتاب’’مقالات محدث مبارکپوری ‘‘ مولانا محمد عبد الرحمٰن مبارکپوری کی نایاب تصانیف کا مجموعہ ہے ۔اس میں مولانامبارکپوری مرحوم کی آٹھ تصانیف کے علاوہ ان نادر مکتوبات اور شیخ الھلالی کا وہ قصیدہ جو انہوں نے حضرت مبارکپوری کےمحامد ومناقب میں لکھا شامل اشاعت ہے۔