| کہ جب کہ تمام فقہاء دو ہیی ہاتھ سے مصافحہ کو مسنون لکھتے ہیں۔ سراسر جھوٹ ہے۔ بجز صاحب مجالس الابرار وصاحب قنیہ وغیرہ بعض فقہائِ متاخرین کے کسی نے دونوں ہاتھ سے مصافحہ کا مسنون ہونا نہیں لکھا ہے،بلکہ بعض فقہائِ حنفیہ نے ایک ہی ہاتھ سے مصافحہ کے مسنون ہونے کی تصریح کی ہے۔ دیکھو پہلا باب مستدل کا دینی رسالہ میں ایسا صافف جھوٹ بولنا کس قدر شرم کی بات ہے۔ ایسے ہی مولوی لوگ اہلِ علم کو بدنام کرتے ہیں اور مستدل کے اس قول سے کہ کوئی حدیث ایک ہاتھ کے مصافحہ کے مخالفین پیش نہیں کر سکتے ۔ صاف معلوم ہوتا ہے کہ مستدل کو کتبِ حدیثیہ سے بالکل ناآشنائی اور بے خبری ہے۔ حتیٰ کہ اوائلِ مشکوٰۃ شریف پر بھی نظر نہیں ہے۔کیونکہ مشکوٰۃ شریف کے تیسرے ہی روق میں عمر بن عاص رضی اللہ عنہ کی ایک ہاتھ(یعنی داہنے ہاتھ) سے بیعت کے وقت مصافحہ کرنے کی روایت موجود ہے۔ اور مستدل کے نزدیک مصافحہ بیعت اور مصافحہ تحیت کی حقیقت ایک ہے دونوں کے افراد میں من حیث الاخذ بالید اور بالیدین تخالف نہیں ۔ دیکھو مخالفین کی چوتھی دلیل ۔ کس قدر عبرت کا مقام ہے کہ ایسے ایسے ناواقف اور بے خبر حضرات رسالے تصنیف کر کے شائع کرتے ہیں۔ یہاں تک تو مستدل کی بے خبری اور ان کے جھوٹ بولنے کا تذکرہ تھا۔ اب ان بعض فقہاء کے اقوال کا جواب لکھا جاتا ہے۔ جن کی کتابوں کی عبارتیں مستدل نے نقل کی ہیں پس واضح ہو کہ اولاً: بعض فقہاء فقہائِ متقدمین سے نہیں۔ ثانیاً : ان کی کتابیں کچھ ایسی مستند اور معتمد نہیں ۔ قنیہ اور اس کے مصنف کا حال مقدمہ رسالہ میں معلوم ہو چکا ۔ اور رد المختار میں دونوں ہاتھ سے مصافحہ کا مسنون ہونا اسی قنیہ سے نقل کیا گیا ہے۔ رہی جالس الابرار سو اس میں شبہ نہیں کہ مضامین مواعظ ورد بدعات میں ایک مفیدکتاب ہے۔لیکن ان مسائل اور احکامِ شرعیہ کی بابت جو اس کتاب میں بلادلیل درج ہیں۔ اس کتاب کا معتمد ومستند ہونا فقہائِ حنفیہ سے کسی نے نہیں لکھا ہے۔ اور شیخ عبد الحق صاحب نے جو یہ لکھا ہے۔ ’’کہ باید کہ بہر دو دست بود۔‘‘ |
| Book Name | مقالات محدث مبارکپوری |
| Writer | الشیخ عبدالرحمٰن مبارکپوری |
| Publisher | ادارہ علوم اثریہ |
| Publish Year | |
| Translator | |
| Volume | |
| Number of Pages | 277 |
| Introduction | مولانا محمد عبدالرحمٰن مبارکپوری شیخ الکل فی الکل میاں سید نذیر حسین محدث دہلوی کے چند مامور شاگردوں میں سے ایک ہیں ۔آپ اپنے وقت کےبہت بڑے محدث،مفسر، محقق، مدرس ، مفتی،ادیب اور نقاد تھے ۔ اللہ تعالیٰ نے انہیں علم کی غیر معمولی بصیرت وبصارت،نظر وفکرکی گہرائی ،تحقیق وتنقیح میں باریک بینی اور ژرف نگاہی عطاء فرمائی تھی ۔زہد وتقوی ،اخلاص وللّٰہیت،حسن عمل اور حسن اخلاق کے پیکر تھے۔یہ ایک حقیقت ہےکہ’’برصغیر پاک وہند میں علم حدیث‘‘ کی تاریخ تب تلک مکمل نہیں ہوتی جب تک اس میں مولانا عبدالرحمٰن محدث مبارکپوری کی خدمات اور ان کا تذکرہ نہ ہو۔جامع الترمذی کی شرح تحفۃ الاحوذی ان ہی کی تصنیف ہے۔ زیر تبصرہ کتاب’’مقالات محدث مبارکپوری ‘‘ مولانا محمد عبد الرحمٰن مبارکپوری کی نایاب تصانیف کا مجموعہ ہے ۔اس میں مولانامبارکپوری مرحوم کی آٹھ تصانیف کے علاوہ ان نادر مکتوبات اور شیخ الھلالی کا وہ قصیدہ جو انہوں نے حضرت مبارکپوری کےمحامد ومناقب میں لکھا شامل اشاعت ہے۔ |