| نہیں؟ اگر پیش کرتے ہیں تو اس کا مرفوع ہونا صحیح ہے یا نہیں۔؟ جواب: علامہ ابن الہمام ،علامہ علاؤالدین اور حافظ زیلعی رحمۃ اللہ علیہ وغیرہ ایک حدیث مرفوع پیش ضرور کرتے ہیں۔ اگرچہ اس کا مرفوع ہونا صحیح نہیں ہے،بلکہ صحیح یہ ہے کہ وہ ابن مسعود رضی اللہ عنہ کا قول ہے وہ روایت یہ ہے۔ عن ابی عائشۃ ان سعید بن العاص سأل ابو موسی الا شرعی وحذیفۃ الیمان کیف کان یکبر رسول اللہ صلی اللہ علیہ وسلم فی الاضحی والفطر فقال ابو موسی یکبراربعا تکبیرۃ علی الجنائز قال حذیفۃ صدق رواہ ابو داود۔ یعنی ابو عائشہ رضی اللہ عنہا سے روایت ہے کہ سعید بن عاص نے ابو موسیٰ اشعری اور حذیفہ رضی اللہ عنہ سے دریافت کیا کہ رسول اللہ صلی اللہ علیہ وسلم نمازِ عیدین میں کتنی تکبیریں کہتے تھے تو ابو موسیٰ رضی اللہ عنہ نے کہا کہ چار تکبیرں کہتے تھے جیسا کہ نمازِ جنازہ میں آپ کا معمول تھا ۔ حذیفہ رضی اللہ عنہ نے کہا تو ابو موسیٰ نے سچ کہا۔ اس حدیث کو ابو داود نے روایت کیا۔(ص۱۶۳) اس حدیث کا مرفوع ہونا اس وجہ سے صحیح نہیں ہے کہ اس حدیث کو صرف اکیلے ابوعائشہ رضی اللہ عنہا مرفوعا روایت کرتے ہیں اور ابو عائشہ رضی اللہ عنہا کے سوا اور جتنے ثقہ راوی اس کو روایت کرتے ہیں سب کے سب اسے بالاتفاق موقو قاً روایت کرتے ہیں۔ اور یہ ابو عائشہ مجہول ہیں۔ پس بقاعدہ اصول حدیث ان کے مرفوعا روایت کرنے کی زیادتی منکر وغیر معتبر ہوئی اور اس حدیث کا موقوف ہونا یعنی ابن مسعود رضی اللہ عنہا کا قول ہونا صحیح اور متعبر ہوا۔ ابو عائشہ کے مجہول ہونے کا ثبوت یہ ہے کہ میزان الاعتدال میں ہے۔ ابو عائشہ جلیس لا بی ھریرۃ غیر معروف وروی عنہ مکحول۔ حافظ زیلعی تخریج ہدایہ میں لکھتے ہیں۔ لکن ابو عائشہ قال ابن حزم فیہ مجہول وقال ابن القطان |
| Book Name | مقالات محدث مبارکپوری |
| Writer | الشیخ عبدالرحمٰن مبارکپوری |
| Publisher | ادارہ علوم اثریہ |
| Publish Year | |
| Translator | |
| Volume | |
| Number of Pages | 277 |
| Introduction | مولانا محمد عبدالرحمٰن مبارکپوری شیخ الکل فی الکل میاں سید نذیر حسین محدث دہلوی کے چند مامور شاگردوں میں سے ایک ہیں ۔آپ اپنے وقت کےبہت بڑے محدث،مفسر، محقق، مدرس ، مفتی،ادیب اور نقاد تھے ۔ اللہ تعالیٰ نے انہیں علم کی غیر معمولی بصیرت وبصارت،نظر وفکرکی گہرائی ،تحقیق وتنقیح میں باریک بینی اور ژرف نگاہی عطاء فرمائی تھی ۔زہد وتقوی ،اخلاص وللّٰہیت،حسن عمل اور حسن اخلاق کے پیکر تھے۔یہ ایک حقیقت ہےکہ’’برصغیر پاک وہند میں علم حدیث‘‘ کی تاریخ تب تلک مکمل نہیں ہوتی جب تک اس میں مولانا عبدالرحمٰن محدث مبارکپوری کی خدمات اور ان کا تذکرہ نہ ہو۔جامع الترمذی کی شرح تحفۃ الاحوذی ان ہی کی تصنیف ہے۔ زیر تبصرہ کتاب’’مقالات محدث مبارکپوری ‘‘ مولانا محمد عبد الرحمٰن مبارکپوری کی نایاب تصانیف کا مجموعہ ہے ۔اس میں مولانامبارکپوری مرحوم کی آٹھ تصانیف کے علاوہ ان نادر مکتوبات اور شیخ الھلالی کا وہ قصیدہ جو انہوں نے حضرت مبارکپوری کےمحامد ومناقب میں لکھا شامل اشاعت ہے۔ |