کا انتقال منگل کی رات کو ہوا۔ فائدہ: قبر میں ہر ایک شخص سے سوال ہو گا، مگر چند لوگ ایسے ہیں جن سے سوال نہیں ہو گا۔ ازانجملہ ایک شہید فی سبیل اللہ ہے، اور ایک مرابط یعنی وہ شخص جو سرحد اسلام کی حفاظت کرے ، اور ایک وہ شخص جس کی موت جمعہ کے دن یا جمعہ کی رات کو ہوئی ہو ۔ جیسا کہ اوپر ترمذی کی حدیث سے معلوم ہوا ہے، حافظ ابن حجر رحمۃ اللہ علیہ نے بذل الماعون [1]میں لکھا ہے کہ جو شخص طاعون میں مبتلا ہو کر مرے ، اس سے بھی قبر میں سوال نہیں ہو گا،کیونکہ وہ نظیر شہید فی المعرکہ ہے ، اور اسی طرح جو شخص طاعون میں صابراً محتسباً ٹھیرا رہے اور طاعونی مقام سے نہ بھاگے، اس سے بھی قبر میں سوال نہیں ہو گا ، اگرچہ وہ طاعون میں مبتلا ہو کر نہ مراہو، کیونکہ وہ نظیر مرابط ہے۔ فائدہ: بعض موتیں شہادت کی موتیں ہوتی ہیں، ان موتوں سے مرنے والوں کو رسول اللہ صلی اللہ علیہ وسلم نے شہیدفرمایا ہے۔جابر بن عتیک رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا کہ ’’ اللہ کی راہ میں قتل ہونے کے علاوہ شہادت کی سات قسمیں ہیں، جو طاعون سے مراد وہ شہید ہے، اور جو ڈوب کر مر گیا وہ شہید ہے، اور جو ذات ابجنب سے مرا،وہ شہید ہے، اور جو پیٹ کی بیماری سے مرا وہ شہید ہے ، اور جو آگ میں جل کر مراوہ شہید ہے، اور جو دیوار یا کسی اور چیز کے نیچے دب کر مرا وہ شہید ہے اور جو عورت ولادت کے وقت مری وہ شہید ہے۔‘‘ (مؤطا امام مالک، ابو داود،نسائی) اور ابن ماجہ ا ور داقطنی کی روایت میں ہے کہ مسافر کی موت شہادت ہے، اسی طرح پراور بھی |
Book Name | مقالات محدث مبارکپوری |
Writer | الشیخ عبدالرحمٰن مبارکپوری |
Publisher | ادارہ علوم اثریہ |
Publish Year | |
Translator | |
Volume | |
Number of Pages | 277 |
Introduction | مولانا محمد عبدالرحمٰن مبارکپوری شیخ الکل فی الکل میاں سید نذیر حسین محدث دہلوی کے چند مامور شاگردوں میں سے ایک ہیں ۔آپ اپنے وقت کےبہت بڑے محدث،مفسر، محقق، مدرس ، مفتی،ادیب اور نقاد تھے ۔ اللہ تعالیٰ نے انہیں علم کی غیر معمولی بصیرت وبصارت،نظر وفکرکی گہرائی ،تحقیق وتنقیح میں باریک بینی اور ژرف نگاہی عطاء فرمائی تھی ۔زہد وتقوی ،اخلاص وللّٰہیت،حسن عمل اور حسن اخلاق کے پیکر تھے۔یہ ایک حقیقت ہےکہ’’برصغیر پاک وہند میں علم حدیث‘‘ کی تاریخ تب تلک مکمل نہیں ہوتی جب تک اس میں مولانا عبدالرحمٰن محدث مبارکپوری کی خدمات اور ان کا تذکرہ نہ ہو۔جامع الترمذی کی شرح تحفۃ الاحوذی ان ہی کی تصنیف ہے۔ زیر تبصرہ کتاب’’مقالات محدث مبارکپوری ‘‘ مولانا محمد عبد الرحمٰن مبارکپوری کی نایاب تصانیف کا مجموعہ ہے ۔اس میں مولانامبارکپوری مرحوم کی آٹھ تصانیف کے علاوہ ان نادر مکتوبات اور شیخ الھلالی کا وہ قصیدہ جو انہوں نے حضرت مبارکپوری کےمحامد ومناقب میں لکھا شامل اشاعت ہے۔ |