مشابہت پائی جاتی ہے،جبکہ اللہ تعالیٰ ہی خالق ہے اور وہی مصور ہے۔تصویر کی حرمت اور وعیدشدید پر کچھ نصوص ملاحظہ ہوں: عن عبدﷲ بن مسعودرضی اللہ عنہ قال :سمعت رسول ﷲ صلی اللہ علیہ وسلم یقول: (ان اشدالناس عذابا عندﷲ یوم القیامۃ المصورون)[1] یعنی: عبد اللہ بن مسعود رضی اللہ عنہ سے مروی ہے،فرماتے ہیں :میں نے رسول اللہ صلی اللہ علیہ وسلم کو یہ فرماتے ہوئے سنا :بیشک اللہ تعالیٰ کے نزدیک قیامت کے دن سب سے سخت عذاب،تصویر بنانے والوں کوہوگا۔ عن عائشۃ رضی ﷲ عنھا أن رسول ﷲ صلی اللہ علیہ وسلم قال: (أشد الناس عذابا یوم القیامۃ الذین یضاھون بخلق ﷲ ۔) [2] یعنی:عائشہ رضی اللہ عنہا سے مروی ہے،بیشک رسول اللہ صلی اللہ علیہ وسلم نے فرمایا: قیامت کے دن سب سے سخت عذاب ان لوگوں کوہوگا جو اللہ تعالیٰ کی صفت ِخلق (پیداکرنا) سے مشابہت اختیار کرتے ہیں۔(یعنی تصویربناتے ہیں) عن ابی ھریرۃ رضی اللہ عنہ :(یقول الرب سبحانہ :ومن أظلم ممن ذھب یخلق کخلقی فلیخلقوا ذرۃ أو لیخلقوا حبۃ أو لیخلقوا شعیرۃ )[3] یعنی:ابوھریرہ رضی اللہ عنہ سے مرفوعاً مروی ہے،رب سبحانہ وتعالیٰ فرماتا ہے: اس شخص سے بڑا ظالم کون ہوسکتا ہے جو میری خلق جیسی خلق بناتا ہے(یعنی تصویر بناتاہے) ایسے لوگ اناج کاایک دانہ پیداکرکے دکھائیں۔ |
Book Name | خطبات |
Writer | فضیلۃ الشیخ عبداللہ ناصر رحمانی |
Publisher | جمعیت اہل حدیث سندہ |
Publish Year | |
Translator | |
Volume | ایک جلد |
Number of Pages | 366 |
Introduction | یہ کتاب فضیلۃ الشیخ عبداللہ ناصر رحمانی صاحب حفظہ اللہ کے اصلاحی و منہجی صدارتی خطبات کا مجموعہ ہے، جوکہ جمعیت اہل حدیث سندھ کی مرکزی سالانہ سیرۃ النبی صلی اللہ علیہ وسلم نیو سعید آباد کے موقع پر دئیے گئے تھے،اس کتاب میں 1996 تا 2014ء تک کے خطبات کو جمع کیا گیا ہے۔ ان خطبات میں منہج سلف اور مسلک اہل حدیث کو کھول کر بیان کیا گیا ہے۔ شیخ مکرم کے ان خطبات کا بنیادی موضوع ہے مسلک اہل حدیث کی حقانیت ،تعارف اور دعوت بالخصوص توحیدوسنت کا اثبات ،شرک وبدعت کارد اور دعوت وجہاد میں نبوی وسلفی منہج کا بیان ۔ |