| رہیں،آپ صلی اللہ علیہ وسلم پر ایمان لانا ،آپ کا اولین حق ہے، اس کے بعد آپ صلی اللہ علیہ وسلم کی تعظیم وتبجیل آپ کاحق ہے،پھر آپ صلی اللہ علیہ وسلم سے ،کائنات کے ہرفرد سے بڑھ کر محبت کرنا آپ کاحق ہے،پھر آپ صلی اللہ علیہ وسلم کی ہمیشہ اطاعت کرنا اور دوسروں کی اطاعت سے گریزاں رہنا آپ کا حق ہے، آپ صلی اللہ علیہ وسلم پربکثرت درودوسلام پڑھنا آپ کاحق ہے، ان تمام حقوق کی ادائیگی بجالانا انتہائی مقدم واہم ہے، جس پر قرآن وحدیث کے بے شمار دلائل موجود ہیں۔ اس کے بعد درجہ بدرجہ دوسرے لوگوں کے حقوق ہیں ،مثلاً:حقوقِ والدین، حقوقِ اولاد،حقوقِ زوجہ،حقوق الجار وغیرہ وغیرہ۔ ہم اپنے آپ کو اورپھر آپ سب کو عدل واعتدال قائم رکھنے اور کسی بھی انسان پر ظلم سے بچے رہنے کی نصیحت کرتے ہیں،اور اگر کسی شخص پر کسی قسم کا ظلم ہوچکا ہے تو اس پر توبہ کی تلقین کرتے ہیں؛کیونکہ توبہ کرنا بھی عدل ہے جبکہ توبہ سے گریز کرنا عینِ ظلم ہے۔اللہ تعالیٰ کافرمان ہے: [وَمَنْ لَّمْ يَتُبْ فَاُولٰۗىِٕكَ ہُمُ الظّٰلِمُوْنَ][1] یعنی:جولوگ توبہ نہیں کرتے وہ ظالم ہیں۔ |
| Book Name | خطبات |
| Writer | فضیلۃ الشیخ عبداللہ ناصر رحمانی |
| Publisher | جمعیت اہل حدیث سندہ |
| Publish Year | |
| Translator | |
| Volume | ایک جلد |
| Number of Pages | 366 |
| Introduction | یہ کتاب فضیلۃ الشیخ عبداللہ ناصر رحمانی صاحب حفظہ اللہ کے اصلاحی و منہجی صدارتی خطبات کا مجموعہ ہے، جوکہ جمعیت اہل حدیث سندھ کی مرکزی سالانہ سیرۃ النبی صلی اللہ علیہ وسلم نیو سعید آباد کے موقع پر دئیے گئے تھے،اس کتاب میں 1996 تا 2014ء تک کے خطبات کو جمع کیا گیا ہے۔ ان خطبات میں منہج سلف اور مسلک اہل حدیث کو کھول کر بیان کیا گیا ہے۔ شیخ مکرم کے ان خطبات کا بنیادی موضوع ہے مسلک اہل حدیث کی حقانیت ،تعارف اور دعوت بالخصوص توحیدوسنت کا اثبات ،شرک وبدعت کارد اور دعوت وجہاد میں نبوی وسلفی منہج کا بیان ۔ |