اللہ تعالیٰ ہماری اصلاح نہیں فرمائےگا۔ مگر ہم اصلاح کی طرف نہیں آرہے۔ لہذا روزبروز ہمارے حالات بگڑتے جارہے ہیں۔ ہمارے یہ تمام حالات اس وقت تک نہیں سنور سکتے جب تک سنوارنے والانہیں سنوارے گا، اور وہ اللہ تعالیٰ کی ذات ہے ،حدیث میں ہے:واعلم ان الامۃ لو اجتمعت علی ان ینفعوک بشییٔ لم ینفعوک الا بشییٔ قد کتبہ اللہ لک وان اجتمعوا علی ان یضروک بشییٔ لم یضروک الا بشییٔ قد کتبہ اللہ علیک رفعت الاقلام وجف الصحف.[1] یعنی خوب اچھی طرح جان لو اگریہ پوری امت جمع ہوکر تمہیں کوئی فائدہ پہنچانا چاہے تو کوئی فائدہ نہیں پہنچاسکتی، الایہ کہ اللہ تعالیٰ نے کوئی فائدہ لکھا ہو، اور اگر سب اکٹھے ہوکرتمہیں کوئی نقصان پہنچانا چاہیں تو اللہ کے لکھے ہوئے کے علاوہ کوئی نقصان نہیں پہنچاسکتے،یہ سب کچھ لکھوا کر قلمیں اٹھالی گئی ہیں اور صحیفے خشک ہوچکے ہیں۔ برادرانِ اسلام! معلوم ہوا کہ نقصان کا ازالہ اوربھلائی اور فائدے کاحصول اللہ تعالیٰ کے امر وتوفیق کے بغیر ممکن نہیں ہے، اور اللہ تعالیٰ ہماری حالت تب ہی سنوارے گا اورہمیں فائدہ تب ہی پہنچائے گا جب ہم سے راضی ہوگا۔ وہی سب سے بہترین ہمارے امراض کی تشخیص وعلاج کرنے والاہے۔ فرمایا:الطبیب ھواللہ.[2] سب سے بہترین طبیب اللہ تعالیٰ ہے۔ |
Book Name | خطبات |
Writer | فضیلۃ الشیخ عبداللہ ناصر رحمانی |
Publisher | جمعیت اہل حدیث سندہ |
Publish Year | |
Translator | |
Volume | ایک جلد |
Number of Pages | 366 |
Introduction | یہ کتاب فضیلۃ الشیخ عبداللہ ناصر رحمانی صاحب حفظہ اللہ کے اصلاحی و منہجی صدارتی خطبات کا مجموعہ ہے، جوکہ جمعیت اہل حدیث سندھ کی مرکزی سالانہ سیرۃ النبی صلی اللہ علیہ وسلم نیو سعید آباد کے موقع پر دئیے گئے تھے،اس کتاب میں 1996 تا 2014ء تک کے خطبات کو جمع کیا گیا ہے۔ ان خطبات میں منہج سلف اور مسلک اہل حدیث کو کھول کر بیان کیا گیا ہے۔ شیخ مکرم کے ان خطبات کا بنیادی موضوع ہے مسلک اہل حدیث کی حقانیت ،تعارف اور دعوت بالخصوص توحیدوسنت کا اثبات ،شرک وبدعت کارد اور دعوت وجہاد میں نبوی وسلفی منہج کا بیان ۔ |