[اِنِ الْحُكْمُ اِلَّا لِلہِ][1] ترجمہ:حکم صرف اللہ تعالیٰ کیلئے ہے۔ کسی حکم شرعی بنانے یا نافذ کرنے میں کسی غیر اللہ کا کوئی عمل دخل نہیں ہے،لہذا احکامِ شرعیہ کے تعلق سے صرف اللہ تعالیٰ کی اطاعت فرض ہے،اس کے علاوہ کسی کی نہیں،البتہ اللہ تعالیٰ کارسول چونکہ اس کا نمائندہ،مبعوث اورمأذون ہے، لہذا اس کی اطاعت بھی فرض ہے ؛کیونکہ وہ اطاعت عین، اللہ تعالیٰ کی اطاعت ہے:[مَنْ يُّطِعِ الرَّسُوْلَ فَقَدْ اَطَاعَ اللہَ۰ۚ ] [2] [وَمَا يَنْطِقُ عَنِ الْہَوٰى۔ اِنْ ہُوَاِلَّا وَحْيٌ يُّوْحٰى۔ ][3] احکامِ جزائیہ، یعنی بندے جو عمل کریں گے ان پر جزا یاسزا کا فیصلہ بھی صرف اللہ رب العزت کے پاس ہے،چنانچہ وہی اطاعت گذار بندوں کو اپنی رضا اورجنت کی صورت میں جزاء دے گا ،دوسرا کوئی نہیں ۔ اور وہی نافرمان بندوں کو اپنے غضب اور جہنم کے عذاب کی صورت میں سزا دیگا، دوسرا کوئی نہیں[مٰلكِ يَوْمِ الدِّيْنِ۳ۭ ][4] ترجمہ: مالک ہے قیامت کے دن کا۔ [يَوْمَ لَا تَمْلِكُ نَفْسٌ لِّنَفْسٍ شَـيْــــًٔا۰ۭ وَالْاَمْرُ يَوْمَىِٕذٍ لِّلہِ][5] |
Book Name | خطبات |
Writer | فضیلۃ الشیخ عبداللہ ناصر رحمانی |
Publisher | جمعیت اہل حدیث سندہ |
Publish Year | |
Translator | |
Volume | ایک جلد |
Number of Pages | 366 |
Introduction | یہ کتاب فضیلۃ الشیخ عبداللہ ناصر رحمانی صاحب حفظہ اللہ کے اصلاحی و منہجی صدارتی خطبات کا مجموعہ ہے، جوکہ جمعیت اہل حدیث سندھ کی مرکزی سالانہ سیرۃ النبی صلی اللہ علیہ وسلم نیو سعید آباد کے موقع پر دئیے گئے تھے،اس کتاب میں 1996 تا 2014ء تک کے خطبات کو جمع کیا گیا ہے۔ ان خطبات میں منہج سلف اور مسلک اہل حدیث کو کھول کر بیان کیا گیا ہے۔ شیخ مکرم کے ان خطبات کا بنیادی موضوع ہے مسلک اہل حدیث کی حقانیت ،تعارف اور دعوت بالخصوص توحیدوسنت کا اثبات ،شرک وبدعت کارد اور دعوت وجہاد میں نبوی وسلفی منہج کا بیان ۔ |