|
اس کی ولادت میں ماں کی موت ہی کیوں نہ ہو جائے۔کیونکہ یہ ایک محترم جان ہے۔حمل کو جب چار ماہ ہو جاتے ہیں تو اس میں روح ڈال دی جاتی ہے اور رزق،عمر،عمل اور اس کا شقی و سعید ہونا سب لکھ دیا جاتا ہے۔
اگر روح ڈالے جانے سے پہلے ڈاکٹروں کی مذکورہ باتیں ثابت ہو جائیں تو اسقاط میں کوئی حرج نہیں ہو گا،کیونکہ وہ تا حال روح ڈالے جانے سے خالی ہے۔اگر اس کے متعلق ڈاکٹر بتائیں کہ بچہ ناقص الخلقت ہو گا جو اپنے لیے اور گھر والوں کے لیے بوجھ ہو گا تو اس کے اسقاط میں کوئی حرج نہیں ہو گا۔(محمد بن صالح عثیمین)
سوال:میں بیمار رہتی ہوں،ضیق النفس کی مریضہ ہوں،اس سے پہلے ڈاکٹر کے کہنے پر دو بار اسقاط کرا چکی ہوں۔ڈاکٹر نے کہا تھا کہ بچے آپریشن سے ہوں گے،اور یہ اسقاط شوہر کی رضامندی سے کرایا تھا۔تو کیا یہ حرام ہے یا اس میں کفارہ وغیرہ واجب ہے؟
جواب:(1) ۔۔حمل ساقط کرانا جائز نہیں ہے۔جب حمل ٹھہر جائے تو اس کی حفاظت کرنا واجب اور اسے نقصان پہنچانا یا کسی ذریعے سے اسے ساقط کرنا کرانا حرام ہوتا ہے۔یہ ایک امانت ہے جو اللہ نے اس ماں کے شکم میں رکھی ہے۔تو اس کا ایک حق ہے،اس کو کسی طرح کا ضرر پہنچانا یا تلف کرنا جائز نہیں ہے۔اس بارے میں طبیب اور ڈاکٹر کی بات قابل قبول نہیں ہو سکتی،کیونکہ یہ ایک شرعی حکم ہے اور شرعی دلائل کی رو سے حمل ساقط کرانا حرام ہے۔اور یہ مسئلہ کہ ولادت آپریشن ہی سے ہو گی،تو یہ کوئی ایسا سبب نہیں ہے جس سے حمل ساقط کرانا جائز ہو جائے۔بہت سی عورتیں آپریشن کی کیفیت سے دوچار ہوتی اور اسی انداز میں ان کے ہاں ولادت ہوتی ہے۔بہرحال ڈاکٹر اور طبیب انسان ہے،اس سے غلطی بھی ہو جاتی ہے،اور درست بھی کہتے ہیں۔مگر اس بات میں اس پر اعتماد نہیں کیا جا سکتا۔
(2) ۔۔دوسرا مسئلہ کفارے کا۔اگر حمل کے جنین میں روح پڑ چکی تھی اور بچہ حرکت کرنے لگ گیا تھا،پھر اسے ساقط کرایا گیا اور وہ مر گیا،تو اس طرح یہ عورت ایک جان کی قاتل ہے۔اس پر کفارہ واجب ہے اور وہ ہے ایک گردن کا آزاد کرنا۔اگر نہ پائے تو دو ماہ کے متواتر روزے رکھنا،اللہ کے ہاں توبہ کی قبولیت کے لیے۔اور یہ چار ماہ میں ہوتا ہے،کہ بچے میں جان پڑ جاتی ہے۔
بہرحال یہ معاملہ بہت بڑا ہے،اس میں تساہل کرنا جائز نہیں۔اگر عورت بیماری کے باعث حمل کی متحمل نہ ہو سکتی ہو تو اسے چاہیے کہ مانع حمل ادویات استعمال کرے،جس سے حمل ایک مدت تک کے لیے مؤخر ہو جائے گا۔اس کے بعد وہ اپنی صحت اور طاقت میں لوٹ آئے گی۔(صالح بن فوزان)
سوال:ایسی چیزیں استعمال کرنا جن سے حمل ساقط ہو جائے،ان کا کیا حکم ہے؟
جواب:حمل ساقط کرنے کے عمل کی دو صورتیں ہیں:
(1)۔۔ساقط کرانے کا مقصد اس بچے کو تلف کرنا ہو۔اگر یہ جان پڑنے کے بعد ہو تو اس کے حرام ہونے
|