|
جواب دیتے اور جو کچھ انھیں دیا جاتا اسے بیان کردیتے، خواہ ان کی احادیث ہوں یا نہ ہوں۔‘‘ [المجروحین لابن حبان، ج:۱، ص:۳۰۳]
مستزاد یہ کہ رشدین بن سعد ضعیف راوی ہے۔ امام ابن معین رحمہ اللہ فرماتے ہیں:
لیس حدیثہ بشیئٍ۔ [معرفۃ الرجال لابن معین روایۃ ابن محرز، ص:۷۶، رقم:۱۵۔ التاریخ، ج:۳، ص:۲۷۶، رقم: ۱۳۱۸ و ج:۴، ص:۴۱۴ روایۃ الدوری]
امام ابن معین کا دوسرا قول لا یکتب حدیثہ کہ اس کی حدیث نہ لکھی جائے۔[الجرح والتعدیل، ج:۳، ص:۵۱۳]
یہی قول امام ابن نمیر رحمہ اللہ کا ہے۔ [تقدمۃ الجرح والتعدیل، ص:۳۲۲۔ والجرح والتعدیل، ج:۳، ص:۵۱۳]
امام ابوحاتم رحمہ اللہ فرماتے ہیں:
’’منکر الحدیث وفیہ غفلۃ، ویحدث بالمناکیر عن الثقات، ضعیف الحدیث۔‘‘ [الجرح والتعدیل، ج:۳، ص:۵۱۳]
’’منکر الحدیث ہے۔ غفلت کا شکار رہتا تھا۔ ثقہ راویانِ حدیث سے مناکیر بیان کرتا تھا۔ ضعیف الحدیث ہے۔‘‘
امام الجوزجانی رحمہ اللہ نے فرمایا:
’’عندہ معاضیل ومناکیر کثیرۃ۔‘‘ [أحوال الرجال، رقم: ۲۷۵]
حتی کہ امام نسائی رحمہ اللہ نے متروک قرار دیا ہے۔ [الضعفاء للنسائی: ۲۱۲]
ابن حجر رحمہ اللہ نے بھی متروک قرار دیا ہے۔ [التلخیص الحبیر، ج:۱، ص:۱۵]
اس لیے ایسا راوی کیوں کر کسی کی متابعت کرسکتا ہے۔ نتیجہ نکلا کہ یہ حدیث بھی ضعیف ہے۔
|