سے زکوۃ ادا کرنا ہو گی۔ اس صورت میںبھینسوں اور گائیوںکی مالیت پر زکوۃ نہیں اور اگر انہیںبرائے فروخت رکھاگیا ہے یا انہیںگوشت کے لیے پالا گیا ہے یا بکریاں قربانی کے دنوں میں فروخت کر نے کے لیے رکھی گئی ہیں تو ان کی مجموعی مالیت پر زکوۃ ہوگی۔ ہمارے ہاں جو ڈیری فارم ہیں ان میں جانور دودھ کے لیے رکھے جا تے ہیں لہٰذا اس دودھ سے حاصل ہو نے والی رقم اگر نصاب کو پہنچ جا ئے تو اس سے چالیسواںحصہ بطور زکوۃادا کیا جائے۔ (واللہ اعلم)حرام کمائی سے صدقہ کرناسوال: ہمارا ایک دوست غلط کارو بار کر تا ہے پھر اس حرام کمائی سے صدقہ و خیرات بھی کر تا ہے ۔ اس کا کہنا ہے کہ صدقہ و خیرات کر نے سے سب گناہ دھل جا تے ہیں ، کیا واقعہ صدقہ کر نے سے حرام کمائی کا دھبہ صاف ہو جا تاہے ؟جواب: یہ ہماری انتہائی بد بختی ہے کہ آج کل حلال اور حرام کی تمیز بالکل مٹ چکی ہے ۔ پیسے کی طمع اور دولت کی حرص نے ہر آدمی کو کچھ اس طرح اندھا کر دیا ہے کہ وہ جائز اور نا جائز ہر طریقہ سے دولت سمیٹنے کی فکر میںلگا ہوا ہے ۔ اس مقصد کے لیے نہ وہ مکر و فریب سے باز آتا ہے اور نہ ہی جھوٹ اور بد دیانتی کو چھوڑتا ہے۔ غالباً اسی دور کے متعلق رسول اللہ صلی اللہ علیہ وسلم نے فرمایا تھا: ’’لوگوں پر ایک وقت ایسا بھی آئے گا کہ آدمی اس بات کی پر وا نہیںکرے گا، جو مال اس کے ہاتھ آیا وہ حلا ل ہے یا حرام ۔ ‘‘[1]اس حدیث کے پیش نظر ہمیں چاہیے کہ ہم کسب حرام سے کلی طور پر اجتناب کریں اور اپنی تمام تر توجہ کسب حلال کی طرف دیں، کیونکہ حرام خوری کر نے والا خواہ کتنی ہی عاجزی سے اپنے رب کو پکارے ، اللہ تعالیٰ اس کی دعا نہیں سنتے اور نہ ہی اسے شرف قبولیت سے نوازتے ہیں۔ رسول اللہ صلی اللہ علیہ وسلم نے ایک حرام خور کا ذکر کیا جو لمبے سفر سے آیا جس کے بال پراگندہ اور غبار آلود ہیں وہ اپنے دونوںہاتھ آ سمان کی طرف اٹھا کر کہتا ہے : اے میرے رب ! اے میرے رب !جبکہ اس کا کھانا حرام، اس کا پینا حرام ، اس کا لباس حرام اور حرام ہی سے پر وان چڑھا تو ایسے شخص کی دعا کیونکر قبول ہو …؟[2]ایسے حرام خور کے متعلق یہ بھی صراحت ہے کہ اللہ تعالیٰ ایسے آدمی کا صدقہ بھی قبول نہیںکر تا ۔ چنانچہ حضرت عبد اللہ بن مسعود رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ’’ جو شخص حرام کمائے پھر اسے صدقہ کرے تو ایسا صدقہ قبول نہیںہو تا اور اگر اس سے خرچ کر ے تو اس میںبرکت نہیںہو تی۔[3]حدیثمیں اس امر کی بھی صراحت ہے کہ ’’ اللہ تعالیٰ خود بھی پاک ہے اور حلال و پا کیزہ چیز کو قبول کر تاہے۔ [4]لہٰذا ایسے شخص کو اللہ تعالیٰسے ڈرنا چاہیے جو ڈھٹائی کے ساتھ حرام مال کماتا ہے اور پھر دھوکہ دینے کے لیے اس سے کچھ صدقہ کر دیتا ہے ۔ اس پر مزید یہ کہ وہ بزعمِخویش اسے اپنے گناہ کا کفارہ سمجھتا ہے ۔ اللہ تعالیٰہمیںکسبِحلال کی توفیق دے۔ آمین!قبل از وقت زکوۃدیناسوال: ہم ماہ رمضان میںزکوۃ ادا کر دیتے ہیں لیکن بعض اوقات ایسا ہو تا ہے کہ دوران سال کوئی ضرورت، مند