مختصر فقہ الصلاۃ نماز نبوی

2- حضرت عقبہ، حذیفہ، ابن مسعود، ابو جحیفہ اور ابو مالک اشعری رضی اللہ عنہم سے ابو داود، دارقطنی، بیہقی، مستدرک حاکم، معجم طبرانی کبیر اور مسند احمد میں صحیح سند سے تین مرتبہ یہ کہنا بھی مروی ہے: (( سُبْحَانَ رَبِّیَ الْاَعْلٰی وَ بِحَمْدِہٖ ))

’’پاک ہے میرا ربّ برتر و اعلیٰ اپنی تعریفوں کے ساتھ۔‘‘

3- ایسے ہی صحیح بخاری و مسلم، ابو داود، نسائی، ابو عوانہ، مصنف عبدالرزاق اور مسند احمد میں اُمّ المومنین حضرت عائشہ صدیقہ رضی اللہ عنہا سے مروی ہے کہ نبیِ اکرم صلی اللہ علیہ وسلم سورۃ النصر میں وارد ارشادِ الٰہی: ﴿فَسَبِّحْ بِحَمْدِ رَبِّكَ وَاسْتَغْفِرْهُ ۚ ﴾ کی عملی تفسیر بیان کرتے ہوئے وفات سے قبل اپنے رکوع و سجود میں بکثرت یہ ذکر و دعا کیا کرتے تھے:

(( سُبْحَانَکَ اللّٰہُمَّ رَبَّنَا وَبِحَمْدِکَ اَللّٰہُمَّ اغْفِرْلِیْ ))

’’پاک ہے تُو اے اللہ، اے میرے پروردگار ساتھ اپنی تعریفوں کے! اے اللہ! میری بخشش فرما دے۔‘‘

4- اسی طرح صحیح مسلم، ابو داود، نسائی، ابو عوانہ، مصنف عبدالرزاق، ابن ابی شیبہ اورمسند احمد میں حضرت عائشہ رضی اللہ عنہا ہی سے مروی ہے کہ نبیِ اکرم صلی اللہ علیہ وسلم رکوع و سجود میں یہ دعا و ذکر فرمایا کرتے تھے:

(( سُبُّوْحٌ قُدُّوْسٌ رَبُّ الْمَلَائِکَۃِ وَالرُّوْحِ ))

’’پاک ہے تُو اور مقدّس ہے۔ تُو ہی روح الامین حضرت جبرائیلu اور تمام فرشتوں کا بھی ربّ ہے۔‘‘

5- صحیح مسلم، ابو داود، ابو عوانہ، ابن خزیمہ، مستدرک حاکم، شرح السنہ بغوی اور سنن بیہقی میں حضرت ابوہریرہ رضی اللہ عنہ سے مروی حدیث میں سجود کے لیے یہ دُعا و ذکر بھی وارد ہوا ہے: