|
کلائنٹ بینک کا وکیل بنے گا پہلے وہ چیز پسند کر کے بینک کے لیے خریدے گا پھر بینک سے کلائنٹ دوبارہ گاہک بن کر اپنے لیے خریدے گا اور بینک نے بھی اپنے لیے نہیں خریدا ہوتا بلکہ اُس کا مقصد بھی کلائنٹ کے لیے خریدنا ہوتا ہے صرف اس شکل کو ایک قانونی حیلے کے طور پر استعمال کیا جاتا ہے جبکہ حقیقی شکل یہ ہوگی کہ بینک مختلف علاقوں اور سو سائٹیوں میں پہلے سے مکان خرید کر رکھیں یا پلاٹ خرید کر اُسے بنائیں جب یہ سب اُن کی ملک میں آجائیں تب کلائنٹ اُن کے پاس آئے تو اب اُسے وکیل بنانے کی ضرورت نہیں ڈائریکٹ اُسے خریدار بنائیں اور بینک بائع شمار ہوگا، اب بینک اپنا منافع رکھ کر اُسے فروخت کر سکتا ہے، اور اگر وکیل بنائے بغیر چارہ نہ ہو تو پھر جواز کی یہ شکل ہوگی کہ وکیل اس چیز کو بینک سے اپنے لیے خرید لینے کا پابند نہ ہو۔
اسی طرح کمپنی سے گاڑیاں پہلے سے بینک بک کروا کر اپنے قبضے میں لے پھر جس کلائنٹ کو گاڑی کی ضرورت ہو،اُسے وہ گاڑی اپنے منافع کے ساتھ بینک فروخت کرے یعنی بینک بھی خریداری میں اصل خریدار بنے صرف حرام کو حلال کرنے کے لیے قانونی حیلہ نہ ہو جس طرح زکوٰۃ کے لیے سرمائے پر اپنے قبضے اور ملکیت میں سال گزرنا شرط ہے۔
تو اس شرط سے بچنے کے لیے حیلہ سازی کر کے چھ ماہ کے لیے رقم بیوی کے اکاؤنٹ میں ٹرانسفر کردی جاتی ہے اور چھ ماہ بعد میاں کے اکاؤنٹ میں ٹرانسفر کرادی جاتی ہے تاکہ نہ میاں کے پاس سال گزرے اور نہ بیوی کے پاس سال گزرے، اس طرح سال تو گزر جائے گا لیکن زکوٰۃ کسی پر فرض نہیں ہوگی کیونکہ فریقین میں سے کسی کے پاس بھی سرمایہ سال بھر نہیں رہا، تو اس طرح کے حیلے شریعت کی اصل روح کے منافی ہوتے ہیں۔
2۔تقریباً ہر معاہدے میں یہ شرط مشترک ہے کہ ادائیگی کی تاریخ میں اگر کچھ دنوں کی تاخیر ہو جائے تو اُس کے لیے ایک صدقاتی فنڈ میں صدقے کی رقم بطور جرمانہ
|