فقہ الصلاۃ(نماز نبوی مدلل)

وَقَعَدَ عَلٰی شِقِّہٖ مُتَوَرِّکًا،ثُمَّ سَلَّمَ))

’’نبی اکرم صلی اللہ علیہ وسلم جب نماز پڑھنے لگتے تو سیدھے کھڑے ہو جاتے اور اپنے دونوں ہاتھوں کو کندھوں تک اٹھاتے۔پھر جب آپ صلی اللہ علیہ وسلم رکوع کرنے لگتے تو بھی اپنے دونوں ہاتھوں کو کندھوں تک اٹھاتے(یعنی رفع یدین کرتے تھے)،پھر آپ صلی اللہ علیہ وسلم ’’اَللّٰہُ اَکْبَرُ‘‘ کہہ کر رکوع کرتے اور اعتدال فرماتے۔آپ صلی اللہ علیہ وسلم(رکوع میں)سر کو(پشت سے)نیچے رکھتے نہ اونچا کرتے۔اپنے دونوں ہاتھوں کو گھٹنوں پر رکھتے اور پھر آپ ’’سَمِعَ اللّٰہُ لِمَنْ حَمِدَہٗ‘‘ کہتے اور رفع یدین کرتے اور سیدھے کھڑے ہو جاتے،یہاں تک کہ ہر ہڈی اپنی اصلی جگہ پر لوٹ آتی۔پھر ’’اَللّٰہُ اَکْبَرُ‘‘ کہتے ہوئے سجدہ کرنے کے لیے زمین کی طرف جاتے۔آپ صلی اللہ علیہ وسلم اپنے دونوں بازوؤں کو بغلوں سے ہٹا کر رکھتے اور پاؤں کی انگلیاں کھلی رکھتے تھے۔پھر آپ صلی اللہ علیہ وسلم اپنا بایاں پاؤں دہرا کر کے اس پر بیٹھ جاتے اور اس طرح بیٹھتے کہ ہر ہڈی اپنی اصلی جگہ پر لوٹ جاتی،پھر دوسرا سجدہ کرتے اور ’’اَللّٰہُ اَکْبَرُ‘‘ کہتے،پھر بایاں پاؤں الٹا کر کے اس پر خوب اچھی طرح بیٹھ جاتے،یہاں تک کہ ہر ہڈی اپنی اصلی جگہ پر لوٹ جاتی،پھر آپ صلی اللہ علیہ وسلم اٹھتے اور دوسری رکعت بھی اسی طرح پڑھتے،پھر جب دو رکعتوں کے بعد(تیسری کے لیے)کھڑے ہوتے تو ’’اللّٰہُ اَکْبَرُ‘‘ کہتے ہوئے دونوں کندھوں تک رفع یدین کرتے تھے،بالکل اسی طرح جس طرح نماز شروع کرتے وقت رفع یدین کرتے تھے،پھر آپ صلی اللہ علیہ وسلم ایسے ہی نماز پڑھتے جاتے اور جب نماز کی آخری رکعت مکمل کر کے بیٹھتے تو اپنا بایاں پاؤں(دائیں پنڈلی کے نیچے سے)آگے گزار کر ایک سرین پر بیٹھتے(جو تورّک کہلاتا ہے)اور پھر سلام پھیرتے۔‘‘

یہ تفصیلی کیفیت سننے کے بعد اُن صحابہ کرام رضی اللہ عنہم نے بیک زبان فرمایا:

((صَدَقْتَ،ہٰکَذَا کَانَ یُصَلِّیْ))[1]

’’آپ نے صحیح فرمایا،کیونکہ نبی اکرم(صلی اللہ علیہ وسلم)واقعی اسی طرح ہی نماز ادا فرمایا کرتے تھے۔‘‘